ಸರ್ವತೋಮುಖ ಭೌಗೋಳಿಕರಣದ, ಕ್ಷಿಪ್ರ ಸಾಮಾಜಿಕ, ರಾಜಕೀಯ, ಆರ್ಥಿಕ, ತಂತ್ರಜ್ಞಾನದ ಕ್ರಾಂತಿಕಾರಿ ಬದಲಾವಣೆಗೆ ಈ ಕಾಲಘಟ್ಟದಲ್ಲಿ ಈ ಜಗತ್ತು ಹೊಸ ವಸ್ತು, ವಿಚಾರಗಳ ಹುಟ್ಟು ಕಾಣುತ್ತಲೇ ಇದೆ. ಇವಕ್ಕೆ ಪೂರಕವಾಗಿ ಹೊಸ ಹೊಸ ಪದಗಳು ಹಲವಾರು ಮೂಲಗಳಿಂದ ಜನರ ಜೀವನವಾಹಿನಿಗೆ ಸೇರುತ್ತಲೇ ಇವೆ. ಈ ತೀವ್ರ ಗತಿಯ ಹರಿವಿನಲ್ಲಿ ಹುಟ್ಟುವ ಸಾಫ್ಟ್ ವೇರ್ ನಂಥ ಪದಗಳು ಒಂದು ಭಾಷೆಯ ಪರಿಧಿಯಲ್ಲಿ ಮಾತ್ರ ಇರುವುದಿಲ್ಲ; ಮೇಲಾಗಿ ಅವಕ್ಕೆ ಒಂದು ಭಾಷೆಯ ಲೇಪ, ಬಂಧನ ಇರುವುದಿಲ್ಲ. ಅವು ವಿಶ್ವಮಾನವನಂತೆ (Globalized) ಜಾಗತೀಕರಣಗೊಂಡಿರುತ್ತವೆ. ಯುರೋಪಿನಲ್ಲಿ ಬಹುತೇಕ ಎಲ್ಲ ಭಾಷೆಗಳಲ್ಲಿ ಅದು ಸಾಫ್ಟ್ ವೇರೇ ಆಗಿದೆ. ಅಷ್ಟೇ ಏಕೆ ನಮ್ಮ ರಾಷ್ಟ್ರ ಭಾಷೆಯಲ್ಲಿಯೂ ಸುಮಾರು ಪದಗಳು ಮೂಲ ರೂಪದಲ್ಲಿಯೇ ಬಳಕೆಯಾಗುತ್ತಿವೆ.

ಈಗೀಗ ಹುಟ್ಟುವ ಅಸಂಖ್ಯಾತ ಪದಗಳನ್ನು ಕನ್ನಡಕ್ಕೆ ತಂದರೂ ಅವುಗಳ ಬಳಕೆ ಪ್ರಾಯೋಗಿಕವಲ್ಲ. ಅದೂ ಭಾರತದಂಥ ಬಹು ಭಾಷಾ ದೇಶದಲ್ಲಿ ಎಲ್ಲರನ್ನೂ ತಲುಪಲು ಎಲ್ಲರಿಗೂ ಸರ್ವಸಮ್ಮತವಾದ ಪದಗಳ ಬಳಕೆ ಮಾತ್ರ ಉಪಯೋಗಕ್ಕೆ ಬರುತ್ತವೆ. ನಿಘಂಟಿನಲ್ಲಿ ಮಾತ್ರ ಉಳಿಯುವ ಪದಗಳ ಕಟ್ಟುವುದರ ಪ್ರಯೋಜನವೇನು?

.