ಮಾವು ನಾವು, ಬೇವು ನಾವು

– ಕೆ.ಎಸ್. ನರಸಿಂಹಸ್ವಾಮಿ

ಮಾವು ನಾವು, ಬೇವು ನಾವು;
ನೋವು ನಲಿವು ನಮ್ಮವು.
ಹೂವು ನಾವು, ಹಸಿರು ನಾವು,
ಬೇವು ಬೆಲ್ಲ ನಮ್ಮವು.
ಹೊಸತು ವರುಷ, ಹೊಸತು ಹರುಷ-
ಹೊಸತು ಬಯಕೆ ನಮ್ಮವು.
ತಳಿರ ತುಂಬಿದಾಸೆಯೆಲ್ಲ,
ಹರಕೆಯೆಲ್ಲ ನಮ್ಮವು.

ಬಂಜೆ ನೆಲಕೆ ನೀರನೂಡಿ
ಹೊಳೆಯ ದಿಕ್ಕು ಬದಲಿಸಿ
ಕಾಡ ಕಡಿದು ದಾರಿಮಾಡಿ
ಬೆಟ್ಟ ಸಾಲ ಕದಲಿಸಿ.
ಹಿಮಾಚಲದ ನೆತ್ತಿಯಲಿ
ಧ್ವಜವನ್ನಿಟ್ಟು ಬಂದೆವು;
ಧ್ರುವಗಳಲ್ಲಿ ಹೆಜ್ಜೆಯೂರಿ
ಹೊಸನೆಲೆಗಳ ಕಂಡೆವು.
ಬಾನಸೆರೆಯ ಕಲ್ಪಲತೆಗೆ
ನಮ್ಮ ಕಿಡಿಯ ಮುತ್ತಿಗೆ.
ಮುಗಿಯಬಹುದು ನಾಳೆಯೊಳಗೆ
ದೇವತೆಗಳ ಗುತ್ತಿಗೆ!

ಹುಟ್ಟು ಬೆಂಕಿ ನಮ್ಮ ತಾಯಿ;
ಉಟ್ಟ ಸೀರೆ ಸಾಗರ.
ಅವಳ ಮುಗಿಲ ತುರುಬಿನಲ್ಲಿ
ಹೆಡೆಯ ತೆರೆದ ನಾಗರ.
ಅವಳ ಪ್ರೀತಿ ನಮಗೆ ದೀಪ;
ಅವಳ ಕಣ್ಣು ಕಾವಲು.
ಬಿಸಿಲ ತಾಪ, ಮಳೆಯ ಕೋಪ-
ಸಂತೋಷವೆ ಆಗಲೂ.
ಹೆಜ್ಜೆಗೊಂದು ಹೊಸ ಯುಗಾದಿ-
ಚೆಲುವು ನಮ್ಮ ಜೀವನ!
ನಮ್ಮ ಹಾದಿಯೋ ಅನಾದಿ
ಪಯಣವೆಲ್ಲ ಪಾವನ.

6 Responses to ಮಾವು ನಾವು, ಬೇವು ನಾವು

  1. Mahesh
    March 21st, 2011 at 6:24 pm

    Sogasada kavite

  2. husainbi
    August 12th, 2011 at 9:22 am

    mavu navu, bevu navu tumba sogasad kaviteyagide.

  3. SIDDESH
    November 1st, 2011 at 4:06 am

    KANNADA NAADA HABBAKKE VISHWADA ELLA KANNADIGARIGE HAARDIKA SHUBHAASHAYAGALU.KANNADAVE SATYA KANNADAVE NITYA

  4. shivanand
    March 20th, 2014 at 9:30 pm

    Hosa varushad jeevanakke sukha-dukhagalannu samanavagi sweekarisi jeevanand payanvannu sagisalu e kavide darideepavagide. Kavan bared kavige naman…..

  5. ಹೈದರ್ ನಾವೂರು
    December 17th, 2015 at 6:52 pm

    ನರಸಿಂಗರ ಮನವ ಮಿಡಿಯುತ್ತಿದೆ ಮಾವು ಮಾವು

  6. Ishwarappasagar
    January 25th, 2017 at 6:01 pm

    This poem has made the poet immortal!!

Leave a Reply