Archive for August, 2006

ಶರಣಾಗತ

Thursday, August 31st, 2006

– ಕೆ. ತ್ರಿವೇಣಿ ಶ್ರೀನಿವಾಸ ರಾವ್

ಮಧ್ಯಾಹ್ನದ ಸುಡು ಸುಡು ಬಿಸಿಲು ಭೂಮಿಯನ್ನು ನಿರ್ದಯವಾಗಿ ಸುಡುತ್ತಿತ್ತು. ಕೊರಳಿನ ಸುತ್ತ ಹರಿಯುತ್ತಿದ್ದ ಬೆವರನ್ನು ಕರವಸ್ತ್ರದಿಂದ ಒರೆಸಿಕೊಳ್ಳುತ್ತಾ ಗೇಟು ತೆರೆದು ಕಾಂಪೊಂಡಿನೊಳಗೆ ಪ್ರವೇಶಿಸಿದ ರಾಜೀವ.

ಪ್ಲೂಟೋ ಓಕೆ, ಬೋಸ್ ಇಲ್ಲ ಯಾಕೆ?

Wednesday, August 30th, 2006

ಅವರು ಮಾರ್ಕೋನಿಯ ಹಣ ತಿರಸ್ಕರಿಸಿದರು. ನಾವು ಬೋಸರನ್ನೇ ತಿರಸ್ಕರಿಸಿದೆವು

– ಬೇಳೂರು ಸುದರ್ಶನ

ಪ್ಲೂಟೋ ಇನ್ನು ನವಗ್ರಹವಲ್ಲ.
ಪರವಾಗಿಲ್ಲ.
ಅದು ಕುಬ್ಜಗ್ರಹ.
ಪರವಾಗಿಲ್ಲ.

ಈ ಬಗ್ಗೆ ಎಲ್ಲ ದಿನಪತ್ರಿಕೆಗಳೂ ಶೋಕ ಆಚರಿಸಿವೆ. ದಿ ಹಿಂದೂಪತ್ರಿಕೆಯಿಂದ ಹಿಡಿದು ಹಲವು ಮುಖ್ಯವಾಹಿನಿಪತ್ರಿಕೆಗಳಲ್ಲಿ ಭಾರೀ ಸಂಪಾದಕೀಯಗಳೇ ಬಂದಿವೆ.

ಪರವಾಗಿಲ್ಲ.
ಪರವಾಗಿಲ್ಲ. ಆದರೆ…

ಪ್ಲೂಟೋಗೆ ಒದಗಿದ ದುಸ್ಥಿತಿಯ ವರದಿಯ ಹಿನ್ನೆಲೆಯಲ್ಲಿ ದೇಶದ ಎಲ್ಲ ಪಠ್ಯಪುಸ್ತಕಗಳಲ್ಲೂ ತಿದ್ದುಪಡಿ ಮಾಡುವ ಪ್ರಕ್ರಿಯೆ ಆರಂಭವಾಗಿದೆ ಎಂದು ರಾಷ್ಟ್ರೀಯ ಶಿಕ್ಷಣ ಸಂಶೋಧನೆ ಮತ್ತು ತರಬೇತಿ ಮಂಡಳಿ (ಎನ್ ಸಿ ಇ ಆರ್ ಟಿ) ಪ್ರಕಟಿಸಿದೆಯಲ್ಲ….. ಇದು ಮಾತ್ರ ಮತಾಂಧತೆಯ ಅತಿರೇಕ ಎಂದರೆ ತಪ್ಪಿಲ್ಲ. ಅಥವಾ ಇದನ್ನು ಸುದ್ದಿಗುಮ್ಮನ ಗುಲಾಮಗಿರಿತನ, ವಿಶ್ವಮಟ್ಟದ ದೇಶಾವರಿ ಬಿಕ್ಕಳಿಕೆ ಎಂದೂ ಬಣ್ಣಿಸಬಹುದು. ಸುದ್ದಿ ಬಂದ ೨೪ ಗಂಟೆಗಳಲ್ಲಿ ಪ್ರತಿಕ್ರಿಯೆ… ವಾರೆವ್ಹಾ ಎನ್ನಬೇಡಿ.

ಪ್ಲೂಟೋಗೆ ಕುಬ್ಜಗ್ರಹದ ಸ್ಥಾನಮಾನ ಮುಂದುವರೆದಿದೆ, ಅದಕ್ಕೆ ಒಂಬತ್ತನೇ ಗ್ರಹದ ಸ್ಥಾನವನ್ನೇ ನೀಡಿಲ್ಲ ಎಂದು ೧೯೯೯ರ ಫೆಬ್ರುವರಿ ೩ರಂದು ಅಂತಾರಾಷ್ಟ್ರೀಯ ಖಗೋಳವಿeನ ಸಂಘವೇ ಸ್ಪಷ್ಟನೆ ನೀಡಿದಾಗ ಎನ್ ಸಿ ಇ ಆರ್ ಟಿ ನಿದ್ದೆ ಮಾಡುತ್ತಿತ್ತೆ? ಅದು ನಿಜವೇ. ಎನ್ ಆಇ ಇ ಆರ್ ಟಿ ಅದು ಹುಟ್ಟಿದಾಗಿನಿಂದಲೂ ಗೊರಕೆ ಹೊಡೆಯುತ್ತಿದೆ. ಅದು ತಯಾರಿಸಿದ ಪಠ್ಯಗಳಲ್ಲಿರುವುದೆಲ್ಲ ಎರವಲು ತಂದ ಮಾಹಿತಿಗಳು.

ಯಾಕೆಂದರೆ, ಇಡೀ ಮನುಕುಲದ ಸಂದೇಶವಾಹಕವಾದ ಮೈಕ್ರೋವೇವ್ / ರೇಡಿಯೋ ಸಂಶೋಧನೆಯ ಕೀರ್ತಿಯನ್ನು ಈಗಲೂ ವಿನಾಕಾರಣ ಮಾರ್ಕೋನಿಗೆ ನೀಡುತ್ತಿರುವುದೂ ಎನ್ ಸಿ ಇ ಆರ್ ಟಿಯೇ. ಅದಕ್ಕೂ ನಾಚಿಕೆಯಿಲ್ಲ. ನಮಗೂ ಮಾನವಿಲ್ಲ.

ಜಗದೀಶ ಚಂದ್ರ ಬೋಸರೇ ಆದ್ಯ ರೇಡಿಯೋ ಸಂಶೋಧಕರು, ಮಾರ್ಕೋನಿಯಲ್ಲ ಎಂದು ಅಂತಾರಾಷ್ಟ್ರೀಯ ಎಲೆಕ್ಟ್ರಿಕಲ್ ಎಂಡ್ಎಲೆಕ್ಟ್ರಾನಿಕ್ಸ್ ಎಂಜಿನೀಯರ್ಸ್ (ಐ ಇ ಇ ಇ ) ಎಂಬ ಪ್ರತಿಷ್ಠಿತ ಸಂಘಟನೆಯೇ ೧೯೯೮ರಲ್ಲಿ ಒಪ್ಪಿಕೊಂಡಿದೆ. ಈ ಬಗ್ಗೆ ಯಾಕೆ ಇನ್ನೂ ಎನ್ ಸಿ ಇ ಆರ್ ಟಿಗೆ ಎಚ್ಚರವೇ ಆಗಿಲ್ಲ? ಅಥವಾ ಹೋಗಲಿ ಬಿಡಿ ಎನ್ನಬಹುದೆ?

ಮಾರ್ಕೋನಿ ತನ್ನ ರೇಡಿಯೋ ಸಾಧನದಲ್ಲಿ ಬಳಸಿದ ಮರ್ಕ್ಯುರಿ ಡ್ರಾಪ್ ಕೊಹೆರರ್ ಸಾಧನವನ್ನು ಮೂಲತಃ ಕಂಡು ಹಿಡಿದದ್ದು ಜಗದೀಶಚಂದ್ರ ಬೋಸರು. ಜೆಲೆನಾ ಕ್ರಿಸ್ಟಲ್ ಆಧಾರಿತ ಸಾಲಿಡ್ ಸ್ಟೇಟ್ ಡಿಟೆಕ್ಟರನ್ನೂ (ಅಂದರೆ ಇಂದು ಕಂಪ್ಯೂಟರ್ ಯುಗದಲ್ಲಿ ಅತ್ಯಂತ ಅಗತ್ಯವಾಗಿರುವ ಸೆಮಿಕಂಡಕ್ಟರ್) ಕಂಡುಹಿಡಿದು ಅದಕ್ಕಾಗಿ ಪ್ರಪ್ರಥಮವಾಗಿ ಪೇಟೆಂಟ್ ಪಡೆದವರೂ ಬೋಸರೇ.

ಆದರೆ ೧೯೦೧ರ ಡಿಸೆಂಬರ್ ೧೨ರಂದು ನ್ಯೂಫೌಂಡ್ಲ್ಯಾಂಡಿನಲ್ಲಿ ಇದೇ ಕೊಹೆರರ್ ಬಳಸಿ ಇಂಗ್ಲಿಶಿನ `ಎಸ್’ ಸಂಕೇತವನ್ನು ಪೋಲ್ಡ್ಹುನಿಂದ ಪಡೆದವನು ಮಾತ್ರ ಮಾರ್ಕೋನಿ.

ಮೈಕ್ರೋವೇವ್ ಸಂಶೋಧನೆಗಳಿಗಾಗಿ ಲಾರ್ಡ್ ಕೆಲ್ವಿನ್, ಲಾರ್ಡ್ ರೇಲೀಘ್ರಂಥ ಗಟ್ಟಿ ವಿಜ್ಞಾನಿಗಳಿಂದ ಮುಕ್ತಕಂಠದ ಶ್ಲಾಘನೆಗೆ ಭಾಜನರಾದವರೂ ಬೋಸರೇ. ೧೮೯೫ರಲ್ಲೇ ಒಂದು ಮೈಲಿಗೂ ದೂರದಲ್ಲಿರುವ ಗನ್ಪೌಡರನ್ನು ದೂರ ಸಂವೇದಿ (ರಿಮೋಟ್) ಗಂಟೆಯನ್ನು ಬಳಸಿ ಸ್ಫೋಟಿಸಿದವರೂ…. ಹೌದು. ನಮ್ಮ ಹೆಮ್ಮೆಯ ಜಗದೀಶಚಂದ್ರ ಬೋಸರು. ಅಂದರೆ ವಿದ್ಯುತ್ಕಾಂತೀಯ ತರಂಗಗಳ ಸಂವಹನವನ್ನು ಮೊದಲು ತೋರಿಸಿದರು.ಆಮೇಲೆ ಅದನ್ನು ಸಾಧನಗಳ ಮೂಲಕ ಸಿದ್ಧಪಡಿಸಿದರು. ರೇಡಿಯೋ ರಿಸೀವರಿಗೆ (ಗ್ರಾಹಕ) ಬೇಕಾದ ಸಾಧನಗಳನ್ನೂ ತಯಾರಿಸಿದರು.

ಅದಿರಲಿ, ಸೂರ್ಯನಿಂದಲೂ ಹೀಗೆ ವಿದ್ಯುತ್ಕಾಂತೀಯ ತರಂಗಗಳು ಬರುತ್ತಿವೆ ಎಂದು ಮೊಟ್ಟಮೊದಲು ಹೇಳಿದವರು ಕೂಡಾ ಬೋಸರೇ. ಅವರು ಈಮಾತನ್ನು ಹೇಳಿದ್ದು ೧೮೯೭ರಲ್ಲಿ. ಅವರ ಮಾತು ನಿಜವೆಂದು ಗೊತ್ತಾಗಿದ್ದು ೧೯೪೨ರಲ್ಲಿ.

ಅದು ಬೇರೇನಲ್ಲ…. ಈಗ ನಾವು, ನೀವು ಬಳಸುತ್ತಿರೋ ಮೊಬೈಲ್ಗಳಲ್ಲಿ ಸಂವಹನಕ್ಕೆ ಬಳಕೆಯಾಗುತ್ತಿರೋ ಮೈಕ್ರೋವೇವ್ (ಮಿಲಿಮೀಟರ್ ತರಂಗಾಂತರ). ಅಂದರೆ ತಮ್ಮ ಕಾಲದಲ್ಲೇ ಅರ್ಧ ಶತಮಾನ ಮುಂದಿದ್ದ ಬೋಸರು ನಮ್ಮ ದೇಶದಲ್ಲೇ ಉಳಿದರು. ಕೋಲ್ಕತಾದಪ್ರೆಸಿಡೆನ್ಸಿ ಕಾಲೇಜಿನಲ್ಲಿ ತಮ್ಮದೇ ಪುಟ್ಟ ದೇಸಿ ಪ್ರಯೋಗಾಲಯದಲ್ಲಿ ಅವರು ಇಡೀ ಮನುಕುಲವೇ ಬೆರಗಾಗುವ ಸಂಶೋಧನೆಗಳನ್ನು ಮಾಡಿದರು. ಸಸ್ಯಗಳಿಗೂ ಸಂವೇದನೆ ಇದೆ ಎಂಬ ಅವರ ಸಂಶೋಧನೆಯ ಬಗ್ಗೆ ಮಾತ್ರ ನಾವು ಭುಜ ಹಾರಿಸಿದ್ದೇವೆ. ಆದರೆ ಅವರೇ ರೇಡಿಯೋ ಕಂಡುಹಿಡಿದರು ಎಂದು ಅಂತಾರಾಷ್ಟ್ರೀಯ ಸಂಘಟನೆಯೇ ಹೇಳಿದ್ದರೂ….

ನಾವು ಸಂವೇದನೆಯನ್ನೇ ಕಳೆದುಕೊಂಡಿದ್ದೇವೆ. ಇವತ್ತಿಗೂ,ಎಲ್ಲ ಪಠ್ಯಪುಸ್ತಕಗಳಲ್ಲೂ ಮಾರ್ಕೋನಿಯದೇ ಸಾಮ್ರಾಜ್ಯ. ಎಲ್ಲೋ ಅಪ್ಪಿತಪ್ಪಿ ಬೋಸರು ಬಂದರೆ ಅದು ಬಾಕ್ಸಿನಲ್ಲಿ, ಯಾವುದೋ ಹೆಚ್ಚುವರಿ ಮಾಹಿತಿ ಎಂಬಂತೆ. ಶಿಕ್ಷಕರಿಗಂತೂಇದೆಲ್ಲ ವಿಚಿತ್ರ ಸುದ್ದಿಗಳು.

ಪ್ಲೂಟೋ ಗ್ರಹದ ಸಂಶೋಧನೆಗೆಂದೇ ನ್ಯೂ ಹೊರೈಝಾನ್ ಎಂಬ ಗಗನ ನೌಕೆ ಈ ವರ್ಷದ ಜನವರಿ ೧೯ರಂದು ಭೂಮಿಯನ್ನು ಬಿಟ್ಟಿದೆ. ೨೦೧೫ರ ಜುಲೈ ತಿಂಗಳಿನಲ್ಲಿ ಅದು ನವಗ್ರಹಸ್ಥಾನವಂಚಿತ ಪ್ಲೂಟೋವನ್ನು ತಲುಪಲಿದೆ.
ಅಷ್ಟು ಹೊತ್ತಿಗಾದರೂ ಎನ್ ಸಿ ಆರ್ ಟಿಯು ನಿದ್ದೆ ಬಿಟ್ಟೆದ್ದು ಜಗದೀಶಚಂದ್ರ ಬೋಸರಿಗೆ ಸಲ್ಲಬೇಕಾದ ಗೌರವ, ಸ್ಥಾನಮಾನ ಕೊಟ್ಟೀತೆ? ಪೆಟ್ರೋಲ್ ಬೆಲೆ ಏರಿಕೆಯ ಬಗ್ಗೆ ನಾಟಕವನ್ನು ಮೀರಿಸುವ ಕಮ್ಯುನಿಸ್ಟರೂ ಸಾವರಿಸಿಕೊಂಡು ಬಂಗಾಳದ ಹೆಮ್ಮೆ ಎಂಬಕಾರಣಕ್ಕಾದರೂ ಬೋಸರಿಗೆನ್ಯಾಯ ಒದಗಿಸುವರೆ? ಬೋಸರನ್ನು ಅವಗಣನೆ ಮಾಡಿದ್ದನ್ನು ಪ್ರತಿಭಟಿಸಿ ಸರ್ಕಾರಕ್ಕೆ ನೀಡಿದ ಬೆಂಬಲ ವಾಪಸು ಪಡೆದು ರಾಜಕೀಯ ಇತಿಹಾಸದಲ್ಲಿ ದಾಖಲಾಗುವರೆ? ನಮ್ಮ ದೇಶದಲ್ಲಿ ವಿಜ್ಞಾನದ ಕಾರಣಕ್ಕಾಗಿ ಸರ್ಕಾರಗಳು ಬೀಳುವುದು ಕನಸೇ.

ಆದರೂ, ನಮ್ಮ ರಾಷ್ಟ್ರಪತಿಯವರೂ ವಿಜ್ಞಾನಿಯೇ ಎಂಬುದನ್ನು ಮರೆಯುವ ಹಾಗಿದೆಯೆ? ಕೊನೇಪಕ್ಷ ಅವರಿಗಾದರೂ ಮನವಿ ಸಲ್ಲಿಸಬಹುದಲ್ಲ?

ನಮ್ಮ ದೇಶದ ಗ್ರಹಗತಿಯೇ ಹೀಗಿದೆ. ದಾಖಲೆಗಳೇ ಸಾಬೀತುಮಾಡಿರುವ ಭಾರತೀಯ ಶತಮಾನದ ಸಂಶೋಧನೆಗಳೇ ನಮ್ಮ ಪಠ್ಯದೊಳಕ್ಕೆ ಬರುವುದಿರಲಿ, ಒಂದು ಸಣ್ಣ ಚರ್ಚೆಯೂ ನಡೆಯುವುದಿಲ್ಲ. ಆದರೆ ಕಣ್ಣಿಗೂ ಗೋಚರಿಸದ ಪ್ಲೂಟೋ ಸ್ಥಾನಮಾನದ ಬಗ್ಗೆ ಮಾಡಿದ ಚಿಕ್ಕ ಬದಲಾವಣೆ ಮಾತ್ರ ಮನುಕುಲದ ಇನ್ನೊಂದು ಹೆಜ್ಜೆಯೆಂಬಂತೆ ಚರ್ಚೆಯಾಗುತ್ತದೆ.

ಯಾಕೆಂದರೆ ಬೋಸ್ ಎಂದೂ ಹಣಕ್ಕೆ ಆಸೆ ಪಡಲಿಲ್ಲ. ೧೯೦೧ರ ಮೇ ೧೭ರಂದು ಅವರು ತಮ್ಮನ್ನು ಮಾರ್ಕೋನಿಯ ಸಂಸ್ಥೆಯಾದ ವೈರ್ಲೆಸ್ ಎಂಡ್ ಟೆಲಿಗ್ರಾಫ್ ಕಂಪನಿಯ ಸಿರಿವಂತ ಮೇಜರ್ ಸ್ಟೀಫನ್ ಫ್ಲಡ್ಪೇಜ್ ತನಗೆ ಹಣದ ಆಮಿಷ ತೋರಿಸಿದ ಬಗ್ಗೆ ಕಾಗದ ಬರೆದರು:

A short time before my lecture, a multi-millionaire proprietor of a very famous telegraph company telegraphed me with an urgent request to meet me. I replied that I had no time. In response he said that he is coming to meet me in person and within a short time he himself arrived with patent forms in hand. He made an earnest request to me not to divulge all valuable research results in today’s lecture : “There is money in it — let me take out patent for you. You donot know what money you are throwing away” etc. Of course, ” I will only take half share in the profit — I will finance it” etc.

This multi-millionaire has come to me like a beggar for making some more profits. Friend, you would have seen the greed and hankering after money in this country, – money, money – what a terrible all pervasive greed ! If I once get sucked into this terrible trap, there wont’ be any escape ! See, the research that I have been dedicated to doing, is above commercial profits. I am getting older – I am not getting enough time to do what I had set out to do — I refused him.

ಸಿ. ಅಶ್ವಥ್ – ಪರಿಚಯ ಮತ್ತು ಸಂದರ್ಶನ

Saturday, August 26th, 2006

ಗಾಯಕ ಹಾಗೂ ಸಂಗೀತ ನಿರ್ದೇಶಕರಾಗಿ ಸಿ. ಅಶ್ವಥ್ ಅವರದು ಸುಗಮ ಸಂಗೀತ ಕ್ಷೇತ್ರದಲ್ಲಿ ದೊಡ್ಡ ಹೆಸರು. ಹಾಗೆಂದು ಅವರ ಪ್ರತಿಭೆ ಸುಗಮ ಸಂಗೀತಕ್ಕೆ ಸೀಮಿತವಾಗಿ ಉಳಿದಿಲ್ಲ. ನಾಟಕ, ಸಿನಿಮಾಗಳಿಗೂ ಅವರು ಸಂಗೀತ ನಿರ್ದೇಶನ ಮಾಡಿದ್ದಾರೆ. ಅಲ್ಲೂ ಅವರ ವೈಶಿಷ್ಟ್ಯವನ್ನು ಕಾಣಬಹುದು, ಅಲ್ಲ ಕೇಳಬಹುದು. ಸುಗಮ ಸಂಗೀತಕ್ಕೆ ಅದರದೇ ಒಂದು ಸ್ಥಾನವನ್ನು ದೊರಕಿಸಿಕೊಟ್ಟವರಲ್ಲಿ ಪಿ. ಕಾಳಿಂಗರಾವ್, ಮೈಸೂರು ಅನಂತಸ್ವಾಮಿ ಮತ್ತು ಸಿ. ಅಶ್ವಥ್ ಪ್ರಮುಖರು. ಕವಿಗಳು ಬರೆದ ಸಾಲುಗಳು ಪುಸ್ತಕಗಳಲ್ಲಿ ಅಡಗಿರುತ್ತಿದ್ದವು. ಕೆಲವು ಸಹೃದಯ ಓದುಗರ ಮನವನ್ನು ಅವು ತಲುಪಿದ್ದವು. ಜನಸಾಮಾನ್ಯರನ್ನು ಅವು ತಲುಪುವಲ್ಲಿ ಈ ಮಹನೀಯರ ಪಾಲು ದೊಡ್ಡದು.

ಸ್ವರ ಸಂಯೋಜನೆಯಲ್ಲಿ ಸಂಗೀತಕ್ಕಿಂತ ಭಾವಕ್ಕೇ ಪ್ರಾಶಸ್ತ್ಯ. ಅದಕ್ಕೆಂದೇ ಅವರು ಸಂಗೀತ ಸಂಯೋಜನೆ ಎನ್ನದೆ ಸ್ವರಸಂಯೋಜನೆ ಎನ್ನುವುದು. ಕವನದಲ್ಲಿ ಬರುವ ಪ್ರತಿ ಪ್ರಶ್ನೆ, ವಿರಾಮ, ಮೌನ -ಎಲ್ಲವುಗಳು ಅವರ ಸಂಯೋಜನೆಯಲ್ಲಿ ಮಹತ್ವ ಪಡೆಯುತ್ತವೆ. ಉದಾಹರಣೆಗೆ ಕೆ.ಎಸ್. ನರಸಿಂಹಸ್ವಾಮಿಯವರ ಕವಿತೆಯ ಸಾಲುಗಳನ್ನು ಗಮನಿಸಿ-

ಮೊದಲ ದಿನ ಮೌನ ಅಳುವೇ ತುಟಿಗೆ ಬಂದಂತೆ
ಚಿಂತೆ, ಬಿಡಿ ಹೂವ ಮುಡಿದಂತೆ

ಮಿಥ್ಯಾನಿವೇಶನದ ವ್ಯಾಪಾರವೆಂಬ ಮೋಸ

Friday, August 25th, 2006

“ಎಲ್ಲಿ ತನಕ ಟೋಪಿ ಹಾಕಿಸಿಕೊಳ್ಳುವವರು ಇರುತ್ತಾರೊ ಅಲ್ಲಿ ತನಕ ಟೋಪಿ ಹಾಕುವವರು ಇದ್ದೇ ಇರುತ್ತಾರೆ”. ಈ ಮಾತನ್ನು ಇಲ್ಲಿ ನೆನಪಿಸಿಕೊಳ್ಳಲು ಕಾರಣವೆಂದರೆ ಈ ಸುದ್ದಿ. ಕೊಲ್ಕತ್ತದ ಯಾರೋ ದಂಪತಿಗಳು ಚಂದ್ರನ ಮೇಲೆ ನಿವೇಶನ ಕೊಂಡುಕೊಂಡಿದ್ದಾರೆ. ಇಂತಹ ಸುದ್ದಿಗಳು ಆಗಾಗ ಕಾಣಿಸಿಕೊಳ್ಳುತ್ತಲೇ ಇರುತ್ತವೆ. ಹಿಂದೊಮ್ಮೆ ಉಷಾಕಿರಣ ಪತ್ರಿಕೆಯಲ್ಲಿ ಇಂತಹದೇ ಸುದ್ದಿ ಪ್ರಕಟವಾಗಿದ್ದಾಗ ಪತ್ರಿಕೆಯ ಸಂಪಾದಕರಿಗೆ ನಾನೊಂದು ಪತ್ರ ಬರೆದಿದ್ದೆ. ಅದನ್ನು ಕೆಳಗೆ ನಕಲಿಸಿದ್ದೇನೆ.

ವೈ ಫೈ ಯುಗಕ್ಕೆ ಕಾಲಿಟ್ಟ ಟಿಬೆಟ್ – ಚೀನಾ ಸಂಘರ್ಷ

Wednesday, August 23rd, 2006

– ಬೇಳೂರು ಸುದರ್ಶನ

ಅಲ್ಲಿ ಯಾವಾಗಲೂ ವಿದ್ಯುತ್ ಕಡಿತ. ದೂರವಾಣಿ ಸಂಪರ್ಕಕ್ಕೂ ತತ್ವಾರ. ಮೊಬೈಲ್ ಇದ್ದರೂ ನೆಟ್ವರ್ಕ್ ಇರೋದೇ ಇಲ್ಲ. ಆದರೂ ಇಲ್ಲಿ ಇಂಟರ್ನೆಟ್ ಕೆಲಸ ಮಾಡುತ್ತಿದೆ!

kannada adyathe ya durupuyogaga

Wednesday, August 23rd, 2006

hi everybody… it will be probable to discuss unwanted happenings related to kannada.., and also some r doing wrong on behalf of kannada… somebody as to take an action..or has to comment on such cases…

ವಸುಧೇಂದ್ರರ ಪುಸ್ತಕಗಳ ಲೋಕಾರ್ಪಣೆ

Sunday, August 20th, 2006

ಬೆಂಗಳೂರು, ಆಗಸ್ಟ್ ೨೦, ೨೦೦೬: ವಸುಧೇಂದ್ರ ಅವರು ನಡೆಸಿಕೊಂಡು ಬರುತ್ತಿರುವ ಛಂದ ಪುಸ್ತಕ ಮಾಲಿಕೆಯ ನಾಲ್ಕು ಪುಸ್ತಕಗಳ ಲೋಕಾರ್ಪಣೆ ಇಂದು ಬೆಂಗಳೂರಿನಲ್ಲಿ ಜರುಗಿತು. ಬ್ರೈಲ್ ಲಿಪಿಯಲ್ಲಿ ಮುದ್ರಿಸಿರುವ ಅದೃಶ್ಯ ಕಾವ್ಯ ಪುಸ್ತಕವನ್ನು ಮಧು ಸಿಂಘಾಲ್ ಅವರು ಬಿಡುಗಡೆ ಮಾಡಿದರು. ಸ್ವತಃ ದೃಷ್ಟಿಸೌಲಭ್ಯ ವಂಚಿತರಾದ ಮಧು ಸಿಂಘಾಲ್ ಅವರು ವಸುಧೇಂದ್ರರ ಈ ವಿನೂತನ ಪ್ರಯತ್ನವನ್ನು ಕೊಂಡಾಡಿದರು. ಅಂಧರ ಶಾಲೆಗಳಿಗೆ ಕನ್ನಡದ ಪುಸ್ತಕಗಳು ಬ್ರೈಲ್ ಲಿಪಿಯಲ್ಲಿ ಸಿಗುತ್ತಿಲ್ಲ. ಕೇವಲ ಸರಕಾರವು ಪ್ರಕಟಿಸಿರುವ ಪಠ್ಯ ಪುಸ್ತಗಳು ಮಾತ್ರವೇ ಲಭ್ಯವಿವೆ. ಕನ್ನಡ ಸಾಹಿತ್ಯ ಅತಿ ಶ್ರೀಮಂತವಾಗಿದೆ. ಆದರೆ ಅವು ಯಾವವೂ ದೃಷ್ಟಿಸೌಲಭ್ಯ ವಂಚಿತರಾದವರಿಗೆ ಸಿಗುತ್ತಿಲ್ಲ. ಈ ಕೊರತೆಯನ್ನು ನೀಗುವ ಕೆಲಸ ಆಗಬೇಕಿದೆ ಎಂದು ಅವರು ಹೇಳಿದರು.

'ಇನ್ಫೊಸಿಸ್' ಸಂಸ್ಥೆಯ ರುವಾರಿ, ನಾರಾಯಣ ಮೂರ್ತಿಗಳಿಗೆ ನ

Saturday, August 19th, 2006

 

ಕನ್ನಡ ನಾಡಿನ ಹೆಮ್ಮೆಯ ಸಂಸ್ಥೆಯ ಸಂಸ್ಥಾಪಕ ಶ್ರಿ ಎನ್.ಆರ್. ನಾರಾಯಣ ಮೂರ್ತಿಯವರು ನಾಳೆ ತಮ್ಮ ೬೦ ನೆಯ ಹುಟ್ಟು ಹಬ್ಬವನ್ನು ಆಚರಿಸುತ್ತಿದ್ದಾರೆ. ಅವರ ೫೯,೦೦೦ ಹಿಂಬಾಲಕರು ಅವರ ಶ್ರೇಯಸ್ಸಿಗೆ ನಾಳೆ ಪ್ರಪಂಚದಾದ್ಯಂತ ಶುಭಾಶಯಗಳನ್ನು ಕೋರಿ ತಮ್ಮ ನೆಚ್ಚಿನ ನಾಯಕನನ್ನು  ಹರಸುತ್ತಾರೆ !  ಆ ದಿನವೆ ಅವರ ಜೊತೆಗೆ ೨೫ ವರ್ಷಕ್ಕು ಮೇಲ್ಪಟ್ತು ದುಡಿದ ಸಹೋದ್ಯೊಗಿ, ನಂದನ್ ನಿಲೆಕೆಣಿಯವರು ಮುಂದೆ ಇನ್ಫೊಸಿಸ್  ನ ಆಡಳಿತದ ಕಾರ್ಯಭಾರವನ್ನು ವಹಿಸಿಕೊಂಡು ಮುಂದೆ ನಡೆಸಿಕೊಂಡು ಹೋಗುತ್ತಾರೆ. ನಾರಾಯಣ ಮೂರ್ತಿಯವರು ಕಂಪೆನಿಯ ಕಾರ್ಯ ಚಟುವಟಿಕೆಯನ್ನು ಮೇಲಿನ ಸ್ಥರದಲ್ಲಿ ಗಮನಿಸುತ್ತಿದ್ದು ತಮ್ಮ ಅಮೂಲ್ಯ ಸಲಹೆಗಳನ್ನು ಸಮಯ ಸಮಯದಲ್ಲಿ ಕೊಟ್ಟು ಸಹಕರಿಸುತ್ತಾರೆ ! ಇವರೆಲ್ಲರಿಗೂ ಪ್ರೇರಣೆಯನ್ನು ನೀಡಿ ಸಹಕರಿಸಿ, ಸಂಸ್ಥೆ ಯನ್ನು ಬೆಳೆಸಲು ಸಹಾಯಮಾಡಿದ ಅತ್ಯಂತ ಸಮರ್ಥ ಕಂಪ್ಯೂಟರ್ ಇಂಜಿನಿಯರ್ ಆದಾಗ್ಯೂ ತೆರೆಯಮರೆಯಲ್ಲಿಯೇ ಇದ್ದು ತಮ್ಮ ಮಹಾನ್ ಯೊಗದಾನಮಾಡಿದ ಸುಧಾ ಮೂರ್ತಿಯವರಿಗೆ ಯಶಸ್ಸಿನ ಬಹುಪಾಲು ಹೊಗಬೇಕು. ‘ಇನ್ಫೊಸಿಸ್’ ನಾರಾಯಣ ಮೂರ್ತಿ ಹಾಗು ಸುಧಾಮೂರ್ತಿಯವರ ನೆಚ್ಚಿನ ಕೂಸಾಗಿದ್ದು ,ಈಗ ಪ್ರೌಢತೆಯನ್ನು ಪಡೆದಿದೆ. ಪ್ರಪಂಚದ ಪ್ರತಿಷ್ಟಿತ ಸಾಫ್ಟ್ ವೇರ ಕಂಪೆನಿಗಳಲ್ಲಿ ಒಂದಾಗಿ ಬೆಳೆದಿದೆ. 

ಮುಂಬೈ ಅಣುಶಕ್ತಿ ಕೇಂದ್ರದಿಂದ ಕನ್ನಡದ "ಬೆಳಗು"

Saturday, August 19th, 2006

– ಆರ್. ಜಿ. ಹಳ್ಳಿ ನಾಗರಾಜ್

ಮಾಹಿತಿ ತಂತ್ರಜ್ಞಾನದ ಮೂಲಕ ವಿಶ್ವದ ವ್ಯವಹಾರವೆಲ್ಲ ನಡೆಯುತ್ತಿದೆಯೇನೋ ಅನ್ನುವ ಅನುಭವ, ತಿಳಿವಳಿಕೆ ಎಲ್ಲೆಲ್ಲೂ ಮನೆಮಾಡಿದೆ. ತಂತ್ರಜ್ಞಾನದ ಮೂಲಕ ಭಾರತದ ಒಂದೆರಡು ನಗರಗಳು ವಿಶ್ವಭೂಪಟದಲ್ಲಿ ಸ್ಥಾನ ಪಡೆದಿವೆ. ತಂತ್ರಜ್ಞಾನದ ಪ್ರಗತಿ ವಿಜ್ಞಾನದ ದಾಪುಗಾಲಿಗೆ ಮತ್ತೊಂದು ಹೆಸರು. ಮಾಹಿತಿ ತಂತ್ರಜ್ಞಾನದ ಇವೊತ್ತಿನ ಬಹುತೇಕ ಚರ್ಚೆಯನ್ನು ಬದಿಗಿರಿಸಿ, ವಿಜ್ಞಾನದಲ್ಲಿ ಹೊಸ ಪ್ರಯೋಗ, ಸಾಧನೆ ಮಾಡಿರುವುದನ್ನು ಲೆಕ್ಕಕ್ಕೆ ತೆಗೆದುಕೊಳ್ಳುವುದಾದರೆ ಬಾಹ್ಯಾಕಾಶ, ಅಣುಶಕ್ತಿ ಉತ್ಪಾದನೆ, ಅದರ ಸೂಕ್ತ ಬಳಕೆ ಭಾರತದ ಸಾಧನೆ ವಿಶ್ವಗಮನ ಸೆಳೆದದ್ದು ಇತಿಹಾಸ.

ವಿಕ್ರಾಂತ ಕರ್ನಾಟಕ -ವಸ್ತುನಿಷ್ಠ ಮ್ಯಾಗಜಿನ್

Wednesday, August 16th, 2006

– ಬೇಳೂರು ಸುದರ್ಶನ

ಸಾಫ್ಟ್ವೇರ್ ತಂತ್ರಜ್ಞ ರವಿಕೃಷ್ಣಾರೆಡ್ಡಿಯವರು `ವಿಕ್ರಾಂತ ಕರ್ನಾಟಕ’ ಎಂಬ ಹೊಸ ಕನ್ನಡ ವಾರಪತ್ರಿಕೆಯನ್ನು ಆರಂಭಿಸುವುದರೊಂದಿಗೆ ಕನ್ನಡ ಮ್ಯಾಗಜಿನ್ ಪತ್ರಿಕೋದ್ಯಮದಲ್ಲಿ ಹೊಸ ಗಾಳಿಯನ್ನು ಬೀಸುವರೆ?